دليل مراكز التكلفة وتطبيقة فى الشركات

دليل مراكز التكلفه.
يعنى ايه مراكز تكلفه؟
وهل هاتختلف من شركه للتانية او من نشاط لاخر؟
هل فى طريقة مثاليه لتكويد وانشاء دليل مراكز التكلفة لاى شركه.؟
وهل الطرق دى ممكن تختلف لو كنت بتستخدم برنامج حسابات عامه فى شركتك؟
من خلال المقال ده هانتعرف على مفهوم مراكز التكلفه من منظور مالى وليس من منظور تكاليفى او تصنيعى , ودا زى مابيتم تطبيقه فى الواقع العملى للشركات بمختلف أنشطتها وكمان هانستعرض مع بعض مجموعه مهمه من التقارير اللى بتغطى مراكز التكلفة بشكل كامل والمستخرجه من برنامج حسابات ومخازن أكفليكس.

الاول خلينا نعرف يعنى ايه مراكز تكلفة وليه بعملها كدليل شجرى؟.


مراكز التكلفه عباره عن وحدة أعمال " او وحده اقتصاديه" business unit . بجمع عليها مجموعة معينه من عناصر التكاليف , عشان فى النهاية أقدر أعرف هى الوحدة دى كلفتنى اد ايه, وبصممها فى شكل دليل لانه من الافضل انها تكون فى شكل مراكز تكلفة رئيسيه وفرعيه عشان بعد كدا يكون فى تفاصيل أكتر فى التقارير المتعلقة بمراكز التكلفة
وهانشوف عليها أمثله فى الفقره الجايه.
أمثله على مراكز التكلفة:
_ ممكن نعتبر كل قسم من أقسام الشركة بمثابة مركز تكلفة مستقل , الهدف منه انى اقدر اعرف تكلفة كل قسم من أقسام الشركة اد ايه من عناصر المصروفات او التكاليف.يعنى على سبيل المثال أقدر أعرف قسم الIT داخل الشركه مكلفنى أد ايه أجور ومكلفنى أد ايه انتقالات ومكلفنى اد ايه مكافات وحوافز.وبكدا وبسهوله جدا أقدر احدد جدوى وجود القسم ده داخل الشركه من عدمة.

_ من أشهر الامثله على مراكز التكلفة هو المشروعات المختلفه اللى ماسكاها الشركه" وخصوصا لو كانت شركة مقاولات" عندها مشروعات كتير وممتده على مدى أكتر من سنه ماليه, وطبيعة النشاط ده بتستلزم انه يكون فى معلومات سريعه وحاضره عن تكاليف كل مشروع اد ايه من المواد والخامات والمصنعيات وغيرها من عناصر التكاليف المختلفه , ومش بس كدا , انا كمحاسب جوه شركة مقاولات بحتاج اعرف ايرادات مستخلصات كل مشروع اد ايه من المشروعات المختلفه اللى الشركه ماساكاها.
_ ممكن نعتبر أصول الشركه بمثابة مراكز تكلفة وخاصتا السيارات ومعدات الانتاج, هاتفرق معاك جدا لو عنك معلومة جاهزه عن ان كل سيارة من سيارات الشركة مكلفاك أد ايه من الصيانه والزيوت والشحوم والمحروقات وغيرها من التكاليف, واللى فى النهايه بتدينى معلومة مهمه جدا بخصوص جدوى وجود السيارة دى او المعدة دى داخل الشركه ولا الاحسن انه يتم استئجارها من الخارج.
_ ممكن كمان نعتبر ان موظفين الشركة هم مراكز تكلفة لو حابب أعرف كل موظف جوه الشركه مكلفنا اد ايه.


ايه الفرق بين مراكز التكلفة ومراكز الربحيه؟

زى مااتفقنا ان مراكز التكلفة عباره عن وحده مسؤله عن مجموعة معينة عناصر التكاليف المختلفه, هانلاقى ان مراكز الربحيه هى وحده تنظيمية مسؤله بشكل أساسى عن الايرادات والتكاليف مع بعض, يعنى لو فرع معين من فروع الشركة أقدر اعتبره مركز ربحيه ودا لانه مسؤل عن أنواع معينه من الايرادات وأنواع معينه من التكاليف.دا بخلاف لو قسم معين داخل الشركة زى قسم الصيانه دا بعتبره مركز تكلفة لانه مسؤل عن نوع معين من انواع التكاليف.
ونخلى بالنا انه فى الواقع العملى بيتسخدم المصطلحين بنفس المعنى , يعنى ممكن اعتبر الفرع بمثابة مركز تكلفة , بمعنى أصح بيستخدم مصطلح مركز تكلفة عشان يغطى المعنيين.
ايه أهمية انشاء دليل مراكز تكلفة فى الشركه؟
_ سواء كنت بتشتغل بنظام دفترى أو من خلال برنامج حسابات عامه فوجود دليل شجرى لمراكز التكلفة ضرورى جدا لانه بيوفر معلومات مهمه جدا متعلقة باقسام الشركة , واصولها ,وموظفيها , وكمان المشروعات اللى ماسكها الشركه دى. المعلومات دى هاتفيد فى جدوى وجود المشروعات دى او الاقسام دى جوه الشركه.
_ لو كنت بتشتغل ببرنامج حسابات عامه فاكيد تكوين دليل لمراكز التكلفة هايكون أسهل وأيسر من النظام الدفترى , وفى الغالب من خلال برنامج الحسابات العامه هاتقدر تربط بنود الايرادات والتكاليف بمراكز التكلفة بحيث ان مع كل عميلة بينتج عنها قيد محاسبي يتم الريط تلقائي بمركز التكلفة المربوط بيه الحساب ده.

هل تكويد مراكز التكلفة ممكن يختلف من شركة للتانيه؟

بالفعل طبيعى جدا يتخلف دليل مراكز التكلفة من شركة للتانية لاختلاف النشاط وكمان رؤية الاداره الماليه وحاجتها للتقارير والمعلومات.
وبكدا نكون اتعرضنا لمفهوم مراكز التكلفة وازاى بيتم تطبيقه على برنامج حسابات العامه واللى تقدر تحمل منه نسخه تجريبية كامله تشوف من خلالها امكانية انشاء دليل شجرى لمراكز التكلفة
لمعرفة المزيد من البرامج التى تقدمهاأكفليكس ممكن زيارة الموقع :
http://accflex.com/
https://www.facebook.com/AccflexERP/